10 Dongeng Sunda Lengkap sampai Tamat, Legendaris dan Melekat di Masyarakat

Liputan6.com, Jakarta - Dongeng Sunda selalu bisa menghadirkan ragam kisah dari tatar Pasundan yang sudah diwariskan turun-temurun. Setiap kisah dalam dongeng Sunda tersebut mengandung banyak nilai kehidupan. Mulai dari kejujuran, keberanian, kesabaran, serta akibat-akibat buruk dari keserakahan dan kesombongan.

Kumpulan dongeng Sunda yang akan diulas kali ini tidak hanya menghibur, tetapi juga mengenalkan karakter-karakter yang unik. Menceritakan seekor kuda, kancil, semut, dan masih banyak lagi. Tersaji dengan lengkap dan sangat cocok untuk pendidikan karakter bagi anak-anak. Warisan sastra lisan yang berasal dari masyarakat Sunda selalu menarik untuk dibaca berulang.

Berikut Liputan6.com rangkumkan sepuluh dongeng Sunda dari Scribd.

1. Kuda Anu Ngedul

Dongeng Sunda ini berkisah mengenai kuda malas milik Abdul. Kuda tersebut kerap berpura-pura tergelincir saat melintasi sungai demi menjatuhkan sebagian beban dagangan.

Hal tersebut dilakukan karena ia pikir trik ini akan membuatnya lebih ringan dan cepat, sehingga bisa bersantai. Pesan moral dari dongeng Sunda ini mengajarkan perbuatan buruk dan menipu akan berujung pada sesuatu yang tidak menyenangkan.

Ini dongeng lengkapnya:

Jaman baheula aya hiji kuda nu kacida ngedulna, éta kuda téh dipiara ku jalma beunghar anu ngaranna abdul. Unggal poé abdul ka kota mawa kudana keur ngajual barang dagangan anu loba diperlukeun ku urang kota.

Ku sabab ngarasa hoream kudu indit mawa barang dagangan, kuda ngedul téh boga rencana nipu ka dununganana.

Dina hiji poé si kuda téh dibawa ka kota ku abdul, rék dagang uyah dua karung, éta karung téh terus ditalian dina tonggong kuda. Di tengah jalan jalan si kuda ngedul téh ngagejeburkeun manéh kana walungan.

Barang hanjat si kuda ngarasa hampang, sabab uyah nu dina tonggongna béak kabawa ku cai sarta teu bisa ka pulung saeutik-eutik acan. Atuh sodagar téh kacida ambekeunana ka éta kuda. Tapi Abdul teu bisa kukumaha da uyahna geus ngahiji jeung cai.

Isukna Si Abdul ka kota deui mawa tarigu dua karung. Éta karung téh ditalian deui kana kuda. Jiga kamari deui wać kuda téh ngaqejeburkeun manéh ka walungan, atuh puguh waé tarigu téh beak kabawa palid.

Bari jeung ambek Abdul terus balik deui ka imahna, teu jadi ngajual barang daganganana.

Isukna, Abdul néangan akal sangkan kuda nu ngedul téh teu ngalakukeun deui pagawéan jiga kamari. Abdul néangan kapas, tuluy dikarungan sarta ditalian kana tonggong kuda.

Di tengah jalan jiga kamari deui wać kuda téh ngagejeburkeun manéh kana walungan, tapi basa manéhna hanjat karasa kacida beuratna karung nu dieusi ku kapas téh.

Manéhna ngarasa kaduhung ngalakukeun pamolah model kitu, sabab manéhna kudu terus ka kota mamawa kapas anu sakitu beuratna.

2. Wawales Ka Nu Telenges

Dongeng Sunda ini bercerita tentang tikus (beurit) yang membunuh anak-anak burung puyuh. Perbuatan tersebut memicu kemarahan puyuh, lalu puyuh meminta alap-alap membantu menuntaskan balas dendam.

Pesan moral dalam dongeng ini menegaskan bahwa perbuatan jahat atau keji (telenges) pasti akan mendapatkan konsekuensi.

Berikut ini dongeng lengkapnya:

Hiji mangsa sakadang puyuh kacida sediheunnana, sabab anakna sadua-dua anu karek gumuling teu aya dina sayangna. Padahal can lila diparaban.

Sabot indung jeung bapak puyuh ka luar tina sayang rek neangan hakaneun keur anakna, ari balik anakna geus teu aya. Nu aya teh ngan ukur getih ucrat-acret. Puyuh curiga ka beurit, sabab cenah geus lila manehna tunghal-tenghol kawas nu keur ngintip.

Malah puyuh meunang beja ti cangehgar nu tara bohong, cenah enya nangenan beurit ka luar tina sayang puyuh bari sungutna pinuh ku getih. Cangehgar teu bisa nulungan da si beurit kaburu kabur.

Bakat ku ngenes harita keneh puyuh jalu jeung bikang indit ka sayang alap-alap. Barang geus panggih derekdek puyuh jalu nyaritakeun kasedih hatena.

Alap-alap nyanggupan mangnaurkeun kasedih puyuh, cenah si beurit rek dijejewet. Ti harita alap-alap sok nyumput dina tangkal teureup, panonna mah teu weleh gular giler ka handap nempoan sugan beurit tea ka luar tina sayangna. Kungsi sakali mah alap-alap nyamber si monyong.

Ngan nu disamber rikat nyumput kana sayangna handapan tunggul. Ti harita nu diincer ku alap-alap tehteu ka luar deui.

Ari beurit sanggeus rumasa boga dosa ngahakan anak puyuh, bari dirina ngarasa diancam ku alap-alap, dina hiji peuting kabur. Ngan di perjalanan nyorang wahangan. Manehna teu biasaeun meuntas.

eur huleng jentul al sisi wanangan hana atun ari gajiok tenbangkong nejo ka nareupeun nana. Puguh we beurit teh kacida reuwaseunana, disangkana alap-alap ngudag, Ceuk beurit, "Alah sampean mah ngareureuwas!".

"Naha make reuwas sakadang beurit, kawas boga dosa!" ceuk bangkong. "Rek kamana ieu teh wayah kieu geus aya di dieu?" ceuk bangkong deui.

Ngadenge omongan bangkong kitu teh beurit balaham-belehem asa kasindiran. Tungtungna mah beurit waleh hayang dipangmeuntaskeun, sabab cenah aya perlu ka beulah ditu. Bangkong nyanggupan ngan cenah kudu isuk dimana geus caang, sabab harita mah poek keneh.

Isukna bangkong nalian suku beurit beulah hareup. Tungtung tali nu sabeulahna deuî ditalikeun kana sukuna beulah tukang. Geus kitu gajlok bangkong ka wahangan atuh beurit kagugusur.

Ti dinya mah soloyong we bangkong ngojay ka tengah wahangan. Puguh we bangkong beurateun biasana ngojay sorangan ari harita kudu meuntaskeun beurit.

Barang nepi ka tengah-tengah wahangan, bangkong teh hayang ngaheureuyan beurit. Ti dinya bangkong teh teuleum ka dasar wahangan. Atuh beurit ka bawa. Beurit gogorowokan embung di bawa teuteuleuman da cenah eungap. Tapi ku bangkong teu didenge, lep teuleun deui.

Ku sabab sababaraha kali di bawa teuleum, tungtungna mah beurit nepi ka hanteuna, paeh. Geus kitu mah bangkong seuri bari ambang-ambangan.

Keur kitu teu kanyahoan ti tadina, kalayang alap-alap nu ngincer beurit ti kamari, seot nyamber beurit nu geus jadi bangke, ber dibawa hiber ka awang-awang.

Atuh bangkong ge ka bawa, roroesan paureun, da tara biasa ngapung. Mokaha we poe harita alap-alap meunang kauntungan. Sanggeus meakeun beurit nu sakitu lintuhna, bibilasna ku bangkong hejo.

3. Entog Emas

Dongeng Sunda ini mengisahkan petani miskin yang mendapati bebek peliharaannya tiba-tiba menghasilkan telur emas setiap hari. Hal ini membuatnya menjadi kaya raya dan menjadi serakah. Pesan moralnya tentang pentingnya memupuk rasa syukur dan menegaskan bahaya keserakahan.

Berikut dongeng lengkapnya:

Kacaritakeun aya saurang patani nu kacida malaratna cicing di hiji saung gubuk nu geus reyot. Mang Julin patani ngaranna teh. Hirup sapopoena ngan dibaturan ku sakadang entog, hiji-hijina. Mang Julin kacida nyaaheunana ka eta sakadang entog teh, bubuhan manehna mah teu boga dulur-baraya, malih garwa mah.

Hiji poe manehna indit ka sawah, isuk-isuk pisan manehna geus indit, kabeneran dititah ku juragan Lurah pikeun ngabinihan sawahna. Ari digawena mah kapake pisan ku Juragan Lurah teh, kusabab Mang Julin segut pisan kana gawe nanaon oge. Ari entogna dikencarkeun di buruan gubuk teh, tara aya hariwangan.

Balik ti sawah wanci sariak layung, Mang Julin kacida laparna. Manehna ngadeuheus ka Pangeran, "Duh, Gusti... mun paparin abdi beunghar, meureun dahar nanaon oge bisa.. Mang Julin teh dahar ngan jeung uyah. Sanggeus wareg mah manehna tuluy ngampihan entog di juru imah.

Isuk-isuk keneh Mang Julin kahudangkeun ku kingkilaban nu ayana ti juru imah. Panasaran, manehna tuluy cahya gugurilapan teh disampeurkeun. Manehna teu nyangka yen cahya nu kacida serabna teh tina kandang entog, singhoreng teh entogna endongan, endogna endog emas.

Mang Julin peupeureudeuyan, nyagap endog teh. Manehna kacida bungahna, eta endog emas, emas murni. "Bisa dijual ieu mah, ..." gerentesna.

Poe kadua, kitu deui, entogna ngaluarkeun endog emas deui hiji. Kitu saban poe, sakadang entog teh endogan endog emas hiji. Nya puguh Mang Julin teh jadi beunghar. Manehna geus boga sawah sorangan, imah gedong, balong, ternak entog, jeung harta lianna nu mucekil. Entog teh nyaan mawa rejeki keur Mang Julin.

Hiji poe, Mang Julin ngarasa cape mun kudu unggal poe ngadatangan kandang entog pikeun mawa endog emas pira hiji teh. Mang Julin sasadiaan bedog keur ngabeleh entog ngarah emasna kabeh kaluar, jadi manehna teu kudu mawaan unggal poe ka kandang entog.

Ari geus dibeleh entog teh, teu kaciri emas-emasna acan. Malahan entog teh paeh. Mang Julin teu bisa ngabebenah hartana. Manehna jadi miskin deui sabab unggal poe hartana beak dipake kabutuhan sapopoena.

4. Peucang Keuna ku Leugeut

Dongeng Sunda ini mengisahkan kancil (peucang) cerdik dengan sifat serakah yang kerap menimbulkan masalah. Kancil dalam cerita ini dikisahkan terus-menerus mencuri mentimun dari kebun Pak Tani, sampai akhirnya Pak Tani geram dan membuat jebakan dari getah lengket untuk menangkap Kancil itu.

Berikut ini dongeng lengkap yang dimaksudkan:

Hiji poé Peucang ngadatangan kebon bonténg Pa Tani. Boréngna keur méujeuhna arasak. Am, Peucang ngahakanan bonténg. Sanggeus bonténgna méh béak, Peucang buru-buru indit ninggalkeun kebon Pa Tani. Teu pati lila, jol Pa Tani datang ka kebon.

Pa Tani pohara réuwas nempo bonténgna béak dihakanan Peucang. Pa Tani néangan akal pikeun néwak Peucang. Sanggeus ngarasa panceg, Pa Tani nyieun jajalmaan nu dibaluran ku leugeut.

Isukna, Peucang datang deui ka kebon Pa Tani. Peucang reuwas sabab di kebon aya jalma keur nangtung. Peucang panasaran, terus nyampeurkeun jajalmaan. Peucang nanya sababaraha kali, tapi teu ditémbalan. Peucang jadi keuheul.

Peucang najong jajalmaan, tapi sukuna jadi rapet. Ditajong deui ku sukuna nu tukang, sukuna rapet deui. Di teunggar ku huluna, huluna ogé milu rapet. Antukna Peucang ceurik ngageunggeuik, pasrah kana nasib.

Pak Tani pohara bungahna nempo Peucang rapet dina jajalmaan. Peucang nu geus teu walakaya di téwak ku Pa Tani. Ayeuna moal aya deui nu ngaruksak kebon Pa Tani.

5. Tangkuban Perahu

Dongeng Sunda yang menceritakan kisah cinta terlarang antara seorang pemuda dengan ibunya sendiri. Mereka saling jatuh cinta tanpa mengetahui hubungan darah sebenarnya, lalu saat mengetahui sang ibu meminta syarat dibuatkan perahu besar dalam satu malam agar pernikahan batal.

Ini dongeng lengkap tentang Sangkuriang:

Dina hiji mangsa, dicaritakeun aya sahiji putri raja di jawa barat ngaranna dayang sumbi. Dayang sumbi boga anak lalaki nu kasep ngaranna sangkuriang.

Sangkuriang kareseupna ngaburu sasatoan di leweng. Sangkuriang dibaturan ku hiji anjing nu ngaranna tumang, anjing eta lain sawajar anjing, nu sabenerna anjing eta titisan dewa nu mangrupakeun bapana sangkuriang.

Tina hiji poe, sangkuriang jeung tumang mangkat ka hiji leweng, naha kunaon pas sangkuriang nitah si tumang ngudag buruan ka leweng, si tumang embungen nuturkeun kahayang sangkuriang, nah akhirna si tumang diusir ka jero hutan ku sangkuriang.

Sa entos Sangkuriang balik deui ka istana, sangkuriang nyaritakeun kajadian eta ka indungna nyaeta dayang sumbi.

Ngadenge carita eta, dayang sumbi teras ngambek kacida, teu sadar akhirna dayang sumbi nakol sirahna si sangkuriang make sendok sangu anu keur di cekelna nepi ka aya urutna.

Sangkuriang ngambek, terus akhirna langsung mangkat ngembara ninggakeun istana karajaan na. Saprak kajadian eta dayang sumbi nyesel ka anu tos naon dilakuken nana ka sangkuriang.

Sa entos kajadian eta, dayang sumbi terus nga-doa jeung tapa. Tina hiji wangsa, dewa-dewa masihan hadiah ka dayang sumbi nyaeta rupa awet ngora jeung kageulisan anu abadi.

Entos lami pisan sangkuriang mangkat, akhirna sangkuriang mutuskeun balik dei ka istana. Sa entos nepi ka istana, sangkuriang ningali kerajaan eta teh tos beda pisan.

Di dinya oge, sangkuriang ningali aya hiji awewe anu geulis kacida nu teu lain padahal mah indungna.

Ningali tina kagelisan nana, akhirna sangkuriang niat rek ngalamarna. Sabalikna oge, sangkuriang teh sosok jalmi anu kasep, nu mantak nyien dayang sumbi oge reseupen ka pamuda eta teh.

Dina hiji poe, sangkuriang caritana arek pamit menta izin rek ngaburu di leweng. Sangkuriang menta dayang sumbi pang ngarapihan keun tali nu ditalian dina sirahna.

Dayang sumbi rewaseun pas ningali aya urut bared tina sirah sangkuriang nu arek jadi calon suamina eta teh.

Urut bared eta, persis pisan kos anakna nu tos ngarantau bahela. Dayang sumbi merhatikeun terus, dipikir-pikir beungetna oge mirip pisan jeung anakna nu mangkat harita.

Dayang sumbi mulai ngarasa curiga, akhirna dayang sumbi niat rek ngagagal keun perkawinan eta teh, dayang sumbi teras ngajukeun dua syarat ka pamuda eta, nyaeta:

Ka hiji, dayang sumbi hoyong pamuda eta teh ngabendung cai citarum, kadua na, dayang sumbi hayang hiji sampan parahu anu gede pikeun nyebrang cai citarum.

Kadua syarat eta kudu tos di lakukeun saencan panon poe mulai bijil. Nah dina peting eta keneh, sangkuriang mulai ngalakukeun dua syarat eta.

Sangkuriang mulai tapa jeung ngerahkeun makhluk-makhluk gaib pikeun ngabantuan ngawujudkeun dua syarat eta.

Dayang sumbi, mulai ningali lalaunan pagawean sangkuriang nu sabenerna ampir beres di lakukeun.

Dina waktu eta keneh, dayang sumbi oge mulai marentahkeun pasukan nana pikeun ngabentangkeun laon sutra nu warna beurem ti sabelah kota timur, sa olah-olah okos panon poe nu karak bijil.

Sangkuriang terus ningali warna bereum eta, jeung ngira panon poe tos mulai bijil. Sangkuriang akhirna teu jadi neruskeun pagawean nana, ngambek lantaran nganggap teu bisa ngabulkeun dua syarat eta.

Make kakuatan nana, akhirna sangkuriang ngabobol bendungan anu entos di jienna, teu lila jadi banjir gede jeung nendang sampan parahu nu tos dijienna.

Sampan parahu eta ngalayang jeung akhirna ragag dina hiji gunung nu ayena disebut "gunung tangkuban parahu."

6. Lutung Kasarung

Dongeng Sunda ini mengandung banyak pesan moral yang bisa dipetik. Mulai dari pentingnya kebaikan hati, kejujuran, sabar, dan tidak menilai seseorang hanya dari penampilan luarnya saja.

Hal ini tergambar dalam dongeng dari sosok Purbasari yang tetap berbaik hati meski diperlakukan buruk oleh kakaknya. Lalu, pelajaran dari Lutung Kasarung yang sebenarnya sosok pangeran tampan tetapi memilih menyamar menjadi lutung.

Ini dongeng lengkap yang bisa dibaca:

Dina jaman kapungkur, di tatar pasundan aya hiji karajaan anu di pimpin ku saurang raja anu wijaksana, namina nyaeta Prabu Tapak Agung. Prabu Tapak Agung ngagaduhan dua anak awewe anu geulis, namina Purbararang sarta adi na Purbasari.

Dina wanci ngadeukeutan ahir hayatnya, raja Prabu Tapak Agung nunjuk Purbasari, putri bungsu na pikeun nga gentosan jabatana. "Abdi atos sepuh teuing, waktuna abdi turun tahta." Ceuk raja Prabu.

Lamun, dilain sisi Purbararang, nu mangrupakeun kakana purbasari manehna henteu satuju adina diangkat ngagantikeun Bapana. "Abdi putri anu kedah bapa pilih, kuduna abdi anu ngagantikeuna." ceuk Purbararang naroskeun ka tunangan na, nu namina Indrajaya.

Ku sabab sirik, purbararang teras ngagaduhan niat jore ka purbasari. Manehna manggihan saurang nini sihir kanggo nyilakakeun Purbasari. Nini sihir eta nyieun Purbasari kulitna barobah jadi kaayaan totol-totol hideung.

Saentos kitu, Purbararang janten gaduh alesan kanggo ngusir kakana. "Jalma anu dikutuk sepertos maneh, henteu pantes jadi saurang Ratu!" Ceuk Purbararang.

Saterusna, manehna nitah saurang Patih kanggo ngasingkeun Purbasari ka hiji leuweung. Satepina di leuweung, patih eta ngarasa karunyaeun ka purbasari, sarta anjeuna mangnyieun keun hiji pondok kanggo Purbasari.

Anjeuna oge masihan nasehat ka Purbasari, "Sing Tabah Tuan Putri. Cocobi ieu tangtos pasti lekasan, Anu Maha Kawasa sareng Putri." "Hatur nuhun." Bales Purbasari.

Salila di leuweung, purbasari ngagaduhan seueur rerencangan nu mangrupakeun sasatoan anu balalager ka manehna. Diantara sasatoan, aya hiji monyet anu buluan hideung nu misterius namina nyeta lutung kasarung.

Nanging, monyet eta anu manawi paling perhatian ka Purbasari. Lutung kasarung terus ngahibur Purbasari, masihan kekembangan anu endah sarta buah-buahan.

Dina wanci onggal wengi, di bulan purnama. Lutung Kasarung mapah ka tempat anu sepi teras anjeuna ngalakukeun semedi. Manehna menta hiji hal ka Dewata. leu ngabuktikeun yen Lutung Kasarung teh sanes makhluk biasa.

Dina semedi eta, taneuh nu aya di dekeut Lutung kasarung barobah jadi hiji telaga alit, cai na herang kacidaan. Cai na ngandung ubar anu seungit pisan.

Enjing poena, Lutung Kasarung manggihan Purbasari sarta nitah purbasari ibak di telaga eta. "Naon mangpaatna pikeun abdi?" Pikir Purbasari.

Nangging, anjeuna nurutkeun wae. Teu lami sanggeus manehna nyeburkeun awakna. Kulitna barobah jadi bersih sarta geulis sepertos harita deui. Purbasari rewas pisan dicampur ku hawa atoh sabot manehna ngaca ditelaga eta, kulitna bisa mulus deui.

Dina wartos lain di karajaan, Purbararang mutuskeun bade ningali kakana nu aya di leuweung. Manehna mangkat sareng tunangana indrajaya sarta para pangawalna.

Satepina di hutan, purbararang manggihan adinya si purbasari. Purbararang teu percaya ningali adina tíasa jadi geulis deui kos harita.

Purbararang embungen eleh, teras anjeuna ngajak Purbasari nitah ngadu papanjang-panjang buuk. "Saha anu paling panjang buukna, manehna anu menang!" Saur Purbararang.

Mimitina Purbasari alimeun, nanging purbararang teras-terasan ngadesek. Nah pas ditingali, buuk Purbasari malah nu lewih panjang ti purbararang.

"Kajeun ayena abdi eleh, nanging ayeuna hayu urang paganteng-ganteng tunangan, tah ieu tunangan abdi", saur Purbararang sabari nyampeurkeun ka Indrajaya. Purbasari mimitina gelisah da lantaran kabingungan.

Ahirna, purbasari narik panangan Lutung Kasarung. Lutung Kasarung ajol-ajolan kawas mangmenangkeun Purbasari. Purbararang seuri nyalakatak ngabahak-bahak. "Jadi monyet eta tunangan maneh?" Saur purbararang.

Dina wanci eta oge, Lutung Kasarung teras geura semedi sakedap, sarta lumangsung barobah jadi lalaki anu ganteng kacidaan, lewih-lewih ganteng ti Indrajaya.

Sadaya nu aya didinya rewasen ningali kajadian eta. Purbararang ahirna ngaku kaelehan nana, sarta menta maaf pikeun kalepatan salila ieu ka purbasari.

Manehna menta dihampurakeun sagala kasalahan nana ka purbasari, sarta menta supardos henteu dihukum. Purbasari anu bageur, langsung ngahampurakeun sagala kasalahan kakana purbararang.

Sanggeus kajadian eta, ahirna maranehna sadaya balik ka karajaan. Purbasari ahirna jadi saurang ratu, di rendengan ku saurang lalaki idamana. Lalaki eta teu lain anu salila ieu maturan purbasari salami dileweung, nyaeta lutung kasarung.

7. Sakadang Kuya Jeung Sakadang Monyet Ngala Cabe

Dongeng Sunda tentang persahabatan yang terjalin antara Kura-kura (Sakadang Kuya) dan Monyet (Sakadang Monyet). Keduanya digambarkan memiliki watak berbeda terutama dalam hal keserakahan dan berbagi.

Berikut ini dongeng lengkapnya:

Isuk-isuk sakadang kuya moyan di sisi leuwi.Keur kitu torojol sobatna nyaeta sakadang monyet.

"Sakadang Kuya!" Sakadang Monyet ngageroan. "Kuk!" Tembal Sakadang Kuya.

"Sakadang Kuya!" "Kuk!" Sakadang Monyet nyampeurkeun ka Sakadang Kuya.

"Keur naon Sakadang Kuya?" "ah keur kieu we,keur moyan." "Ti batan cicing kitu mah mending ngala cabe, yu!" "Di mana?" "Di kebon Patani, mangka cabena geus beureum."

"Embung, ah.Sakadang monyet suka gandeng."

"Moal, moal gandeng ayeuna mah." "Nyaan moal gandeng?" "Moal, nyaan moal gandeng."

"Hayu atuh ari moal gandeng mah." Being atuh Sakadang Monyet jeung Sakadang Kuya teh indit ka kebon patani. Barang tepi ka kebon, katembong cabe pelak patani geus arasak mani beureum euceuy. Sup duanana ka kebon.

Sakadang Kuya moncor kana pager, ari Sakadang Monyet ngalucatan pager. Terus bae ngaralaan cabe, di dalahar di dinya keneh. Sakadang Kuya mani seuhah-seuhah bae ladaeun. Kitu deui sakadang monyet ngagorowok."Seuhah lata-lata!" maksudna mah "Seuhah lada-lada."

"Ssst, Sakadang Monyet, ulah gandeng atuh!" Sakadang Monyet heunteu ngawaro. "Seuhah lata-lata !" "Sakadang Monyet! Bisi kadengeeun ku Bapa Tani." Tapi Sakadng Monyet api-api teu ngadenge. Gorowok deui bae. "Seuhah lata-lata !"

Kahariwang Sakadang Kuya kabuktian. Sora Sakadang Monyet anu Tarik kadengeeun ku Bapa Tani ti imahna, anu teu jauh ti kebonna. Bapa Tani gura-giru lumpat ka kebon. Barang nepi ka kebon, katembong aya monyet jeung kuya keur ngaweswes bari seuhah ngadaharan cabe.

"Beunang siah nu sok malingan cabe teh!" Bapa Tani ngagorowok bari lumpat muru ka nu keur ngahakanan cabe. Ngadenge aya nu ngagebah, gajlengbae Sakadang monyet ngjat, terekel kana tangkal kai.

"Sakadang Monyet, dagoan!" Sakadang Kuya ngagorowok menta tulung. Tapi Sakadang Monyet teu malire, teu ngalieuk-ngalieuk acan, terus lumpat gagalangan dina tangkal kai. Ari Sakadang Kuya, puguh da teu bias lumpat, leumpang ngadedod bae. Kerewek bae di tawak ku Bapa Tani.

"Beunang ayeuna mah nu sok malingan cabe aing teh. Ku aing di peuncit!" Ceuk Bapa Tani. Kuya dibawa ka imahna, tuluy dikurungan ku kurung hayam. Angkanan Pa Tani, isukan kuya rek dipeuncit.

Peutingna, Sakadang Monyet rerencepan ngadeukeutan sSakadang Kuya, nu keur cendekul dina jero kurung. "Ssst, Sakadang Kuya, keur naon?" Sakadang Monyet nanya.

"Eh, geuning Sakadang Monyet, puguh kuring teh keur ngarasakeun kabungah." "Kabungah naon Sakadang Kuya?" "Nyaeta, kuring teh rek dikawinkaeun ka anak Bapa Tani?" "Enya." "Nu bener Sakadang Kuya?"

"Piraku atuh kuring ngabohong ka sobat." "Ngadenge omongan Sakadang Kuya kitu, Sakadang Monyet ngahuleng sajongjongan. "Kieu, Sakadang kuya, kumaha lamun urang tukeur tempat?" ceuk Sakadang Monyet. "Tukeur tempat kumaha?" "Enya tukeur tempat. Sakadang kuya kaluar, kajeun kuring atuh cicing di jero kurung." "Ah, embung." "Kuring mah karunya we Sakadang Kuya, sapeupeuting dikurungan." "Atuh meureun moal jadi dikawinkeun ka anak Bapa Tani teh."

Skadang Monyet keukeuh maksa, supaya tukeur tempat. Antukna sakadang kuya teh eleh deet. "Heug bae tukeur tempat, tapi aya saratna." Ceuk Sakadang Kuya. "Naon saratna?" "Saratna mah gampang. Samemeh anjeun asup kana kurung, kuring kudu di alungkeun heula ka leuwi."

"Enya, enteng atuh kitu mah." Heunteu talangke, Sakadang Monyet ngaluarkeun Sakadang Kuya tina kurung hayam, tuluy dibawa kasisi leuwi. Lung bae Sakadang Kuya teh dialungkeun ka leuwi. Sakadang Monyet buru-buru balik deui ka imah Bapa Tani.

Sup bae ngurungan maneh ku kurung hayam. Ngadedempes ngadago-dago beurang, haying geura buru-buru dikawinkeun ka Bapa Tani. Kocapkeun isukna. "Manehna, ka mana bedog teh? Urang asah." Ceuk Bapa Tani ka pamajikanana.

"Rek naon Bapana isuk-isuk geus ngasah bedog?" "Itu Urang meuncit kuya di pipir." Paguneman Bapa Tani jeung pamajikanana teh kadengeeun ku Sakadang Monyet. Manehna ngagebeg. Lakadalah, geuning aing teh rek dipeuncit, lain rek dikawinkeun jeung anak Bapa Tani. Rek kabur, geus kagok.

Kaburu aya anak Bapa Tani nyampeurkeun. Gancang bae atuh Sakadang Monyet teh papaehan, ngabugigag kawas bangke. Barang srog ka dinya, anak Bapa Tani gegeroan ka bapana. "Bapa! Bapa!" "Aya naon, Nyai?" "leu geuning nu dina kurung teh lain kuya." "Naon Nyai?"

"Monyet, jeung siga nu geus paeh deuih!" Bapa Tani nu keur ngasah bedog cengkat, tuluy nyampeurkeun ka anakna. Enya bae geuning dina kurung teh aya monyet ngabugigag, lain kuya nu Kamari. Kurung dibukakeun, monyet dialak-ilik.

"Naha bet jadi monyet? Jeung paeh deuih." "Enya, eta mani geus jeger kitu." Ceuk pamajikanana mairan. Monyet the dicokot ku Bapa Tani, lung bae dialungkeun jauh pisa. Barang gubrag kana taneuh, korejat monyet teh hudang.berebet lumpat, kalacat bae kana tangkal kai.

8. Dalem Boncel

Ini merupakan salah satu cerita rakyat Sunda yang mengisahkan seorang anak miskin bernama Boncel. Boncel dikenal sebagai sosok pantang menyerah yang berjuang hingga menjadi bupati. Namun, sayangnya ia malah durhaka kepada ibunya setelah sukses.

Berikut ini dongeng Sunda lengkapnya:

Di tutugan Gunung giriawas aya hiji lembur. Lembur leurik sarta nenggang, henteu gegek ngan opat-lima imah. Boh imah boh pakarangan-pakaranganana bararesih sarta raresik. Eta lembur katelahna kandangwesi.

Di eta lembur aya hiji imah anu sajolna ti jalan, potongan garduh ngupuk, lain panggung make kolong saperti nu lian. Anu bogana lain pituin urang dinya, tapi nu bubuara enggeus lila.

Anu jadi bujang di eta imah teh aya sabaraha urangna, aya nu ngurus ingon-ingon kayaning manuk, hayam, jeung sajabana. Nepi ka nu ngurus kuda. Ari nu ngurus kuda mah budak ngora anu pangawakanana cengklang, ngarana boncel.

Dina hiji poe pasosore, sanggeus si boncel neundeun sundung, karek pisan datang tos ngarit, ujug-ujug haok bae dicarekan ku dununganana, sarta teu antaparah... kerewek ceulina digoengkeun tuluy dikusrukeun ka jero gedogan, "tenjo ku sia, naha eta rarapen ngabayak diantep bae? Naha eta nu nguyumbang teu diberesihan? Ngedul sia henteu tulaten kana ingon-ingon! Kumaha lamun eta kuda gering, rek dikumahakeun ku sia? Tara apik, tara ngagugu kana papatah dunungan!"

"Teu acan bae, juragan. Kapan abdi teh nembe dongkap pisan mentas ngarit."

ku aing." "Wah ngalawan Sia ka dunungan teh, kalah ka baranghakan bae ari gawe goreng. Sia moal dibere nyatu

"Unggal soré unggal isuk ogé disapuan ku abdi. Ayeuna ogé badé diberesihan. Tong maké nyarékan."

"Ah, sia melid, ngahaja baé sina bala ngarah kuda aing paéh, ambéh sia henteu ngarit. Budak ngedul, siah!? Bari ngomong kitu téh... jekok najong kana bobokong Si Boncél. Atuh Si Boncél nepi ka tijongjolong méh tikusruk kana tataban.

Poé éta Boncel henteu meunang timbel, atuh ngongkrong teu barang dahar nepi ka isuk deui.

Lila-lila si boncel mah teu kuat ari kudu dikakaya ku nu jadi dununganana kawas kitu mah. Ahirna msh manehna minggat ti eta tempat. Manehna indit teu puguh tujuan anu dijugjug.

Gok si boncel ka hiji tempat riungan paradalem. Manehna ngaduheus ka juragan kapala niat jadi gundal. Saur juragan kapala "sukur ari daek mah, kabeneran gundal kurang saurang deui. Na urang mana maneh teh?"

"Tebih rorompok mah ti kandangwesi.ka dieu nembe dongkap, sabab puguh badi teh, parantos sepuluh dinten henteu kararaban sangu."

Juragan kapala ngahelas ngadangu piunjuk si boncel anu lentah-lenteh bangun lungse, terus miwarang si boncel dahar di warung saseubeuhna.

Si boncel cicing di imah juragan kapala, pernahna di cianjur. Gawena ngarit jeung ngagebeg kuda. Ayeuna mah awak si boncel teh lingsing, da teu kurang dahar, jeung tara aya nu sok nyiksa saperti di lemburna kandangwesi bareto. Si boncel teh singer pisan, tara kudu diutahetah baranggawe ge. Atuh si boncel dipikanyaah pisan ku juragan istri teh..

Hiji waktu juragan kapala sumping ka istal mariksa kuda, dina sorog si radea aya merek aksara sunda unina: gedogan si radea. Jol dei sumping ka istal si pelor, aya deui merek: gedogan si pelor.

Dina manah juragan kapala, tangtu putrana nu ngadamel merek teh, kaciri aksarana aksara budak. Tuluy

putrana di saur.

"Ujang beunang, ujang ieu merek teh? Alus geuning"

"Sanes, ama. Kenging pun boncel manawi."

"Na, bisaeun nulis si boncel teh?"

"Tiasaeun, da sok milu diajar ari wengi sareng abdi."

Ti dinya si boncel disaur ku dununganana, dopariksa saha nu nyieun merek dina gedogan. ku sim boncel ditunjukkeun yen eta merek teh meunangna. Si boncel harita dipiwarang nulis dina bangbarak: jampang, sindangbarang, pagermaneuh,... dikecapan ku dununganana.

Kabeh bener sarta alus deuih aksarana.

"Isukan maneh montong ngarit, boncel, milu bae ka kantor, bawa map. Keun nu ngarit mah anu lian wae, saur juragan kapala.

Ti harti si boncel ngagandekan juragan kapala, malah ahirna mah nepi ka dititah nyalin surat

Waktu juragan kapala jadi patih, si boncel diangkat jadi jurutulisna..

Dina jadina priyayi kaciri katemenana, atuh nu jadi dununganana tamplok kapercayaanana, malah waktu juragan asesor diangkat jadi cutak oge, nya jurutulis boncel anu kaselir jadi gantina, jeneng asesor. Kaasup priyayi luhur.

Lila ti lila tina kauninga kapercekaanana jeung kapinteranana. Asesor boncel diangkat jeneng jaksa bogor.asesor boncel padamikaasih. Dina prakna campur gaul teu nengterege, teu jiga paruruhan dikatengah imahkeun. leu mah estu sieup kawas menak asli bae. Malah rea sobatna gegeden luhur bangsa walanda, tina bisa ka bala ka bale.

Teu mangkuk dua taun jadi jaksa, jaksa boncel nampi pangagung diangkat jadi bupati caringin.

Kacaritakeun dikandangwesi, lembur si boncel tea.waktu si boncel ngarit nepi ka sore teu balik deui teh, pangeusi lembur kandangwesi jadi ribut, marelangeun sieun si boncel maot ditekuk maung. Indungna teu eureun-eureun ceurik.

İsukna kabeh lalaki urang kandangwesi arindit nareangan. Ku sabab sangka maranehna si boncel dibawa ka leuweung ku maung.

Hiji budak ngora ujug-ujug ngagorowok, "Tingali, ieu arit jeung sundung siboncel!" Enya we, katingal ku

maranehna arit jeung sundung handapeun tangkal waru.

"Bener ieu arit jeung sundung nu si boncel!" Ceuk dunungan si boncel. "Tapi kamana manehna?"

"pasti geus dibawa maung ka leuweung!" ceuk saurang.

"Bener!" Ceuk nu sejen-sejen meh bareng.

"Mun kitu, taya gunanan deui teangan," Ceuk dununganana.

"Pamenta pa boncel, supaya poe isukna diteagan deui, euweuh nu ngadenge. Kabeh jelema geus yakin yen si boncel geus maot."

Nepi ka imah. Ma boncel muru mapagkeun pa boncel, tuluy nanya, "mana anak urang pa?"

"Sabar, tacan kapanggih," jawab pa boncel ka ma boncel bari sasat meubeutkeun maneh kana babalean.

"jelema-jelema geus moal nareangan deui, lantaran maranehna geus ngarasa yakin yen si ujang geus maot ditekuk maung."

"Ocen, ocen anaking!" ma boncel nyambat-nyambat anakna.

"Sabar ma, bapa yakin si ujang masih keneh hirup. Tangtu ma oge masih inget, si ujang geus sababaraha kali menta idin ka urang, rek menta eureun ka dununganana nu bengis tea. Si ujang hayang indit ngumbara, keur ngadu untung. Manehna hayang jadi jelema, supaya nyenangkeun urang. Bapa yakin, ayeuna manehna indit ngalaksanakeun cita-citana. Anggur urang do'akeun, supaya cita-citana gancang dikabul."

Gancang carita, dina hiji peuting aya pedagang asong nu ngadon ngarereb diimahna pa boncel. Eta padagang teh ngadongengkeun lalampahanana. Ceunah dicaringin aya dalem anyar nu ngaranna boncel. leu dalem teh lain tuturunan menak tapi tuturunan rahayat biasa.

"Saha jenenganana, nak?" ceuk pa boncel kaget.

"Boncel pa, Dalem boncel."

"Boncel?" Ma boncel nu keur nyeupah, milu kaget. Diukana pindah ngdeukeutan semahna, poka, "Anak kami nu leungit oge ngarana boncel. Kumaha pangawakan dalem boncel teh?"

"jangkung, rada kurus, kulitna rada hideung, mun teu salah dina pipina nu katuhu aya tanda hideung." Ceuk eta ssemah ngajelaskeun.

"Bener!Bener! Manehna teh anak kami nu leungit, moal salah eta si boncel." Ceuk nyarande kana bilik.

"Alhamdulillah, geuning diijabah cita-cita anaking teh," ceuk pa boncel meh teu ka denge.

Teu kacatur kumaha bungahna nu jadi indung jeung bapa ngadenge anakna jadi jelema teh. Ahirna mah nu eta indung jeung bapa boncel teh mutuskeun rek neng si boncel, pikeun ngabuktikeun.

Kacaritakeun ma jeung bapa boncel geus nepi ka nu dijugjug. Maranehna tokroh-tokroh arasup ka pakarangan kabupaten. Gulang-gulang nu ngajaga, buru-buru nyamperkeun maranehna, tuluy nanya, "Saha aki jeung nini teh bet wani-wani asup ka dieu? Henteu meunang!"

"Maap nak. Aki jeung nini teh ti jauhna, ti kandangwesi. Datan g ka dieu teh rek neangan anak nu leungit."

"Naha neangan anak nu leungit kalah asup ka dieu?" Ceuk gulang-gulang deui malik nanya.

Boncel. "Kami ngadenge beja, yen anak nu leungit teh ayeuna gesu jadi dalem didieu, nagranna boncel." Ceuk ma

"hahahaha, hahahaha! Gulang-gulang seuri ngagakgak. "Teu bisa jadi dalem anak tukang jajaluk mah."

"Kami lain tukang jajaluk, nak. Demi allah kami jalma biasa," Ceuk pa boncel sedih.

Gulang-gulang asup ka kadaleman pikeun ngadeuheus ka dalem boncel. Teu lila gulang-gulang teh datang deui bari ngiringkeun dalem. Waktu ma boncel ningali anakna, poho dinaon-naon... ngagorowok bari lumpat rek ngarangkul.

"ocen anaking!"

Tapi ganong ku dalem ditejeh, nepi ka ma boncel... nangkarak bengkang. Manehna ngajerit kanyenyerian.

"Saha maneh, wani-wani ngaku anak ka kami?" Ceuk dalem boncel bengis.

"Ocen anaking! leu ema! Ema nu geus ngandung hidep salapan bulan. Ema nu geus ngagedekeun hidep!"

"Sing inget, ujang! leu bapa bapa nu ti barang ujang ninggalkeun dunungan nu bengis tea. Teu weleh neangan hidep ka mana-mana. Ti harita ema hidep kaleleban nak. Beurang peuting ngan nyambat-nyambat ngaran hidep. Ayeuna hidep geus jadi jelema. Ema jeung bapa bagja jeung sonona.

"Teu, kami teu boga kolot hina saperti maraneh. Hayoh gulang-gulang! Gusur ieu jelema-jelema gelo teh ka luar...!" Ceuk dalem bari nulak cangkeng.

Ti dinya ma jeung pa boncel rame-rame digalusur ka luar pakarangan kabupaten. Ma jeung pa boncel diusir saperti anjing.

Ku lantaran ma boncel geus teu kuat leumpang sorangan, nya dipapah ku pa boncel. Maranehna laleumpang lalaunan bari jumarigjeung, ninggalkeun anakna anu dipiheman. Cipanon maranehna teu eureun-eureun murubut.

"Ya Alloh, mugi-mugi abdi dipaparin kakiatan," Ceuk ma boncel meh teu kadenge.

Dina hiji poe dalem boncel katarajang kasakit ateul sakujur salirana. Tadina mah dianggap ateul biasa bae, tapi lila-lila kanyataanana taya obat nu matih. Dukun lepus paraji sakti kabeh dikumpulkeun, tapi jampe jeung ubarna taya nu mental. Malah kasakitna beuki parna.

Dalem boncel pohara sangsara nandangan eta kasakit teh. Calik teu raos ngadeg teu raos. Pangpangna gegetret terus sakapeung nepi ka lali make pakean. Boh beurang boh peuting meh teu tiasa kulem. Anjeunna tey weleh rumahuh.

"Moal salah ieu kasakit eh lantaran doraka!" si boncel mimiti sadar.

Beuki lila kasakitna geus meh teu kutahan deui ruhuhna.

"Lamun kieu bae aing bisa gelo. Duh ma, bapa... hapunten putra!" Ceuk si boncel sasambat.

ampun. Ayeuna anjeunna geus gilig rek ka kandangwesi, rek nyuuh pangkonan ibu ra mana, rek nyuhunkeun

Dina hiji poe, rombongan dalem boncel teh miang ka kandangwesi. Dalem mah lantaran teu damang ditandu. Diiring ku ponggawa-ponggawa tarumpak kuda. Sababaraha kuda umbal pinuh ku muatan. Ti caringin banten ka lembur kandangwesi di garut kidul teh, lalampahan jauh pisan..

Anjog ka kandangwesi rombongan teh langsung ngajugjug ka imah ma jeung pa boncel. Tapi, naon anu katingali ku dalem boncel? Imah sepuhna ngan tingal urutna bae. Malah geus jadi kebon eurih sadedeg-sadedeg.

Ti urut tatangga-tatanggana, dalem boncel meunang katerangan yen ma jeung pa boncel samulangna tas neang anakna teh garering. Teu lila, tuluy maraot, meh bareng.

Ngadangu beja kitu, dalem boncel ngajerit, les kapiuhan. Sanggeus emut deui, anjeunna lumpat bari gegetret ngajujug pajaratan ma jeung pa boncel, gabrug ngarangkul tutunggul ibu ramana, tuluy nyuuh kana tutunggul ibuna. Ngangukguk nangis kanyenyerian, bari nyambat-nyambat ibu ramana nyuhnkeun dihapunten.

Salira dalem boncel ahirna pinuh ku kesrek dugi pupusna.

9. Sireum jeung Japati

Dongeng Sunda yang mengisahkan seekor semut dan merpati dengan karakter yang berbeda. Pesan moral yang bisa dipetik adalah tentang pentingnya tolong-menolong dan membalas budi. Cerita yang mengilustrasikan sebuah persahabatan bisa tumbuh melalui kebaikan.

Berikut ini dongeng lengkapnya:

Aya sireum rek nginum disisi walungan. Keur ngarayap kahandap, manehna tisoledat. Pluk ragrag kana cai. Hadena caina rada ngeuyeumbeu pelebah dinya mah. Tapi keukeuh bae ari ngojay kasisi mah manehna teu bisaeun. Sireum gegeroan," tulung, tulung, ieu kuring rek tikerelep, tulungan..!"

Kabeneran aya japati keur cindeten dina dahan kai anu nyodor kaluhureun cai. Kadengeun aya sireum gegeroan menta tulung. Barang ngareret kahandap, katenjoeun sireum keur kokosehan. Japati karunyaeun, geleber hibeur bari ngegel daun salambar.

Song diasongkeun daun teh kahareupeun sireum. Sireum tuluy muntang kana daun. Daun kujapati dibawa ka darat. Sok digolerkeun kana taneuh. Sireum pohara nganuhunkeunana ka japati anu geus ngaleupaskeun manehanana dina bahaya.

Dina hiji mangsa japati teh cindeten deui dina dahan kai anu nyodor ka walungan tea. Sireum anu baheula ditulungan ku manehna oge kabeneran aya dihandapeun tangkal. Harita tikajauhan aya paninggaran nyampeurkeun leumpangna keketeyepan

Teu talangke deui buru-buru sireum nyampeurkeun japati bari ngaharewos ka manehna. "heh japati, buru-buru geura hibeur, tuh aya paninggaran keur ngintip." Panigaran geus ngawengkang bedilna. Teu lila, japati buru-buru geleber hibeur.

Isukna japati papanggih deui jeung sireum. Ceuk japati: "Nuhun pisan sakadang sireum, kuring geus ditulungan ku anjeun, leupas tina balai." Jawab sireum: "ari eta mah kapanan kawajiban sarerea, nulungan batur anu rek meunang cilaka, eta wajib. Komo ieu mah kuring ayeuna hirup keneh teh lantaran geus ditulungan ku sampean."

Tah kitu cenah lalakon sireum jeung japati anu akur jeung silih tulungan. Abdi gaduh sisindiran yeuh.... kieu geura...!!

"Itu lain langlayangan Manuk heulang puputeran. Hirup teh henteu sorangan Kudu daek silih tulung.”

10. Mantuan nu Kasusahan

Dongeng Sunda singkat yang mengisahkan seseorang yang membantu orang lain yang mengalami kesulitan. Ini bagian dari cerita rakyat Sunda yang bisa membantu mendidik anak-anak tentang pentingnya memiliki empati dan selalu tolong-menolong.

Berikut ini dongeng lengkap yang bisa disimak:

Anak kuya harita kakara megar. Manéhna rék muru ka walungan tapi harita poé panas kacida.

Anak kuya geus teu kuateun deui ngaléngkah. Manéhna pasrah bari ceurik. Teu lila, aya anak monyét ngaliwat.

"Hey sakadang kuya rék kamana manéh?" ceuk anak monyét.

"Rék ka walungan" jawab kuya.

"Tapi kuring geus teu kuat deui leumpang."

"Mun kitu mah hayu ku kuring digandong" ceuk monyét ka kuya.

Kuya teu loba carita manéhna langsung baé naék kana tonggong monyét.

Saterusna, monyét ngagandong kuya muru walungan. Barang nepi ka walungan mah kuya téh jagjag deui. Tuluy, kuya nganuhunkeun ka monyét.

FAQ

1. Apa itu dongeng Sunda?

Dongeng Sunda merupakan cerita rakyat dari masyarakat Sunda yang diwariskan secara lisan.

2. Mengapa dongeng Sunda penting?

Cerita tersebut mengandung nilai moral dan mengenalkan budaya lokal.

3. Cocok dibacakan untuk siapa?

Cocok untuk anak, pelajar, maupun pembaca umum.

4. Apakah dongeng Sunda selalu berupa legenda?

Tidak selalu; sebagian berupa fabel, cerita jenaka, atau kisah kehidupan sehari-hari.

5. Apa manfaat membaca dongeng Sunda?

Meningkatkan wawasan budaya dan menanamkan nilai kebaikan.